Awguri Trilogy

Dal-ghodu kelli pjacir niehu sehem f'konferenza ta' l-ahbarijiet li fiha thabbar li l-grupp Trilogy dahlu f'kuntratt ta' tmexxija mal-grupp Goodwine Productions - kuntratt li ghandu jwassal ghal hrug ta' diska minn dan il-grupp fuq is-suq Ingliz u internazzjonali. Ghalija dan huwa wiehed mill-ahjar gruppi li juri t-talent gdid u zaghzugh f'pajjizna. Billi dan il-grupp se jkun impenjat sew, sfortunatament mhux se narawh jiehu sehm fil-Malta Song for Europe bic-cans li jispiccaw anki jirraprezentaw lil Malta fil-Eurovision. Jiena nawgura lil Daniel, Eleanor u Roger l-akbar successi. Jixirqilkom, u kull success li taghmlu jkun ta' l-akbar unur ghal Malta. Awguri mill-qalb.

DVD launch minn Ira Losco

Il-bierah filghaxija mort l-Eden Cinema ghal launch ta' DVD bl-isem 'Living It..... Fih naraw lil Ira Losco u l-Band taghha. Naghti parir li kull min ihobb ix-xena tal-muzika f'pajjizna u x'talent mill-aqwa ghandna, biex jara dan il-film meta jibda jintwera l-Eden, kif ukoll jixtri kopja ta' dan id-DVD meta aktar tard johrog ghall-bejh. Inhadem matul l-ahhar tliet snin u naraw uhud mill-aqwa mumenti ta' Ira inkluz il-kuncert li kienet organizzat il-Hilton, is-sehem taghha fl-Isle of MTV - Malta Special, kif ukoll meta wara kuncerti f'Malta kienet intghazlet biex tiehu sehem ma' Claudio Baglione f'Lampedusa, u ma' Gigi d'Alessio f'Taormina. Naraw ukoll il-band taghha, hemm intervista maghha fuq il-karriera taghha u fuq in-nies li tahdem maghhom. Twegibiet cari u sincieri. Naraw ukoll hafna milli jigri 'wara l-kwinti'! Kelli x-xorti li ghext hafna mill-mumenti li jidhru f'dan id-DVD u ghalhekk ghalija kien mimli memorji mill-isbah. Ma niddejjaq xejn nerga narah fil-granet li gejjin. Prosit Ira u awguri ghall-BMA Awards ghada filghaxija.

Prosit - kull min ha sehem f'TUX

Il-lejla mort nara TUX - Teatru Unplugged 10. Segwejt din l-attivita' minn mindu twieldet ghaxar snin ilu. Hadt gost hafna. Prosit lil min organizza (Nirvana, Dave u Jonathan) u lil kull min ha sehem: Carrie - vuci inkredibbli: il-lejla ma kinitx tiflah u sfortunatament kellha tieqaf wara zewg numri - imma prosit xorta; Paul Shaw - pjanist mill-aqwa mill-Jamaica li flimkien ma' martu Anne - pjanista wkoll - tawna mumenti muzikali mill-isbah, Tony Grimaud li ghadni niftakar minn meta ghamel il-parti principali fil-musical 'Zaghzugh' - stil uniku tip ta' Bob Dylan, u l-inimitabbli Renzo Spiteri u l-band tieghu, aparti l-kantanti: Gianni, Sue Wadge, Clare Falzon u Ivan Filetti. Ipprezentat Clare Agius u The Sound System ipprovdew l-apparat kollu mehtieg. Serata mill-aktar divertententi fit-Teatru Manoel. Qabel, mort sal-kafe' Gambrinus fejn Ira Losco kienet qed tigbed clip ta' film muzikali - Ira tispikka dejjem - u aktar kmieni zort wirja tassew originali ta' xogholijiet tac-ceramika mahluqa minn Paulene Attard fil-Valletta Waterfront. Serata ohra bi ftit minn kollox. Prosit kbir minn qalbi lil kulhadd. F'Malta ghandna hafna talent li ghandna tassew ghax niftahru bih!

Birthday Bash - Axis: 9 ta' Novembru 2007

M'ghandi ebda dubju li dal-birthday sa nibqa' niftakru. Il-Gimgha li ghadda kelli 'Birthday Bash' fl-Axis. Kien avveniment ghaz-zghazagh. Grazzi lil kull min ha sehem u kull min kien prezenti. Hadu sehem is-Sixth Simphoni, Spookey Moneky, Ira Losco u l-band taghha, kif ukoll DJ Ruby. Nahseb l-isbah mument kien meta Ira stednitni fuq il-palk biex nghid kelmtejn u naqsam il-kejk ta' l-okkazjoni li kien forma ta' I-pod. L-ewwel hsieb li esprimejt: ma ghalaqtx 53 sena, imma ghalaqt 26 sena u nofs... darbtejn! B'dawk iz-zghazagh kollha prezenti, kien l-ewwel hsieb li dahal f'mohhi!Hadt pjacir hafna, anki ghax kont maz-zghazagh - kien fil-Moviment taz-Zghazagh fejn bdejt l-istess hidma politika tieghi. U hekk nixtieq nibqa' naghmel: li nibqa' dejjem vicin iz-zghazagh fejn inhossi totalment 'at home'...

Diskors Kunsill Generali - 7 t'Ottubru, 2007

Kumpanija biex iggib konferenzi lejn Malta

Il-bierah filghodu sifirt ghal Londra sabiex filghaxija ninawgura kumpanija gdida li bi hsiebha tibda iggib lejn Malta konferenzi ta' importanza. Wasalt tliet sieghat wara l-hin ippjanat ghax l-ajruplan dam ma telaq minn Malta minhabba cpar fuq Londra, izda xorta wahda kont fil-hin ghall-okkazjon. Din il-kumpanija (dik li inawgurajt il-bierah filghaxija) jisimha All Events by Fraser Eagle. Hi kumpanija li, minn anqas minn sentejn ilu, bdiet tahdem f'Malta fil-qasam tat-trasport. Kien inawgura l-ufficji taghha f'Lancashire il-Prim Ministru ftit xhur ilu. Issa tant sejra tajjeb Malta li riedet tibda tintroduci nies ohra lejn pajjizna. Ghalhekk l-okkazjoni tal-bierah filghaxija li saret fil-Hilton Metropole ta' Londra. Il-kumpanija harget ktejjeb fuq Malta li tassew johrog il-gmiel ta' Malta. Ipproducew ukoll DVD mill-aktar impressjonanti fuq pajjizna. Kien hemm ukoll ikel u zfin Malti. Okkazjoni ohra fejn thossok kburi li tkun Malti. Dalghodu stess nerga nirritorna Malta... anki biex inkun fil-hin halli illejla nattendi 'Birgu by Candlelight'.

Twegiba tieghi - Notte Bianca

Ircevejt kumment minghand Jonathan li apparti li ta prosit lili u lit-team organizattiv kollu rigward 'Notte Bianca' talabni naghti ftit dettalji kif avveniment bhal dan seta' jitella'. Difficli naghti d-dettalji kollha imma nghid l-aktar essenzjali: L-ewwelnett trid tinvesti l-flus mehtiega. Avveniment bhal dan jiswa' madwar Lm 80,000 izda nemmen li dan hu investiment li jaghmel gid kbir lill-pajjiz. Ghandna team organizzattiv imexxi b'energija u entuzjazmu minn Mary Anne Cauchi. Hekk kif organizzajna l-ewwel 'Notte Bianca' sena ilu, bdejna nahsbu mill-ewwel ghall-edizzjoni ta' din is-sena. L-ewwel pass kien li nistaqsu lill-pubbliku stess jaghti l-kummenti tieghu u hadna kemm stajna mis-suggerimenti li ircevejna. Aktar tard umbaghad issir sejha ghal min irid jew jiehu sehem jew joffri xi servizz partikolari. Darba jkollna din l-informazzjoni, nibdew il-process li nqassmu l-attivitajiet li naghzlu ghal areas differenti fil-Belt. Ikun hemm ukoll bzonn ta' servizzi teknici, bhal dwal, sound, palkijiet, tizjin, ecc. Dawn ukoll jintghazlu. Apparti dan kollu trid tikkordina ma' l-entitajiet kollha li huma krucjali biex serata bhal din tirnexxi: il-Pulizija, il-Protezzjoni Civili, id-Divizjoni tas-Sahha, it-teams medici u paramedici, ghaqdiet volontarji li jghinu, is-sidien tal-karozzi tal-linja, ecc. Element krucjali f'attivita' bhal din huwa li jibqghu miftuha l-postijiet pubblici bhall-Bereg, Palazzi, Muzewijiet - mhux biss li jibqghu miftuha imma li jkun hemm attivita' kbira go fihom. Nikkordinaw ukoll ma' tal-hwienet. Nispera li tghid hjiel bizzejjed. Nota ta' l-ahhar: L-akbar success jiddepnedi fuq li tigu intom - li jkun hemm attendenza kbira. Ghalhekk issir kampanja qawwija ta' pubblicita', kordinazzjoni mal-media kollha, tqassim tal-programm f'kull dar, partecipazzjoni fi programmi tat-television u fuq ir-radju ecc. Il-poplu gie. Kellna madwar 100,000 ruh. Grazzi minn qalbi lil kulmin hadem bla heda. Grazzi minn qalbi lil kull min attenda.

Notte Bianca, 2007 (1)

Waqt li kienet ghaddejja 'Notte Bianca' ridna wkoll nzommu lill-kumplament tal-poplu li ma kienx il-Belt infurmat b'dak li kien hemm ghaddej. TVM kellu diversi kollegamenti ghal dan l-iskop. Hawnhekk nidher intervistat minn Norma Saliba u Nirvana Azzopardi waqt edizzjoni specjali ta' 'Montage'. Qabel kemm jien kif ukoll il-Prim Ministru konna intervistati minn Valerie Vella fuq programm iehor li kien qed jixxandar qabel. L-intervisti kienu kollha 'live'. Jiena kelli dejjem kumment wiehed - jekk tistghu, idhlu l-Belt u kunu intkom stess parti mill-attivita' kbira li hawn. Madwar 100,000 ruh attendew ghal 'Notte Bianca' ta' din is-sena. Grazzi mill-qalb.

Notte Bianca, 2007

Serata ohra li tibqa' ghal dejjem fil-memorja tieghi. Grazzi lil kull min ta sehemu. In-'Notte Bianca' li kellna l-bierah filghaxija kienet success fenomenali. Weghdna - akbar u ahjar, u hekk kien. Bhas-sena l-ohra kien hemm kju ma jispicca qatt ta' nies iridu jidhlu Kastilja, u l-bierah kien hemm ukoll kju ta' nies li riedu jidhlu l-Palazz u jaraw il-Parlament. F'Kastilja l-Prim Ministru u s-sinjura Gonzi sabu hin jiehdu ritratti ma' xi whud li kienu qed izuru, kif nidhru flimkien ma' omm u binha (li beda jahdem il-lukanda Meridien, Balluta, dan l-ahhar). Grazzi lill-poplu kollu li ikkonkorra.

'I Carabinieri' - zewg episdoji jingibdu Malta

Mhux ta' kuljum li nista' nkun fil-kumpanija ta' Chiara Ricci (ex Miss Italia) u Walter Nudo (li kien rebah il-konkors ta' Isola dei Famosi). It-tnejn li huma jinsabu Malta jaghmlu l-parti ta' "carabinieri" - izda minghajr uniformi, jigifieri 'under cover'. Zewg episodji ghas-seba' sensiela ta' 'I Carabinieri' li hi segwita hafna fl-Italja qed jingibdu Malta - u Malta mhux biss bhala post ghall-'filming' imma Malta bhala parti mill-istorja. Dan kollu qed isir bhala parti mill-istrategija li qed insegwu biex nattiraw aktar turisti. Dan il-programm jarawh 6.5 miljun ruh, u l-episodji fuq Malta se jixxandru fi Frar tas-sena d-diehla. Dalghodu inzilt sal-Cottonera Waterfront biex insegwi dirett l-iffilmjar isir f'Malta... u naturalment qghadt inkellem ftit lil Chiara u lil Walter...

Cruise mal-mama' u ma' hija

Bejn is-7 u l-14 ta' Settmebru, mort 'cruise' madwar il-Mediterran flimkien mal-mama' (li ghandha 94 sena) u hija John. L-ewwel port li dhalna fih kien Palermo. Diga kellna parir minghand xi hbieb li marru qabilna li l-ahjar li niftehmu ma' wiehed bit-taxi u jaghmlilna dawra hu. Hekk ghamilna u ghamlina dawra mill-isbah u anki qaghad jispjegalna fuq partijiet ta' l-istorja ta' Palermo. Qabel ma morna lura fuq il-vapur ftehmna mieghu li jehodna sal-bajja famuza ta' Mondello - hemmhekk jiddellettaw ferm aktar minna bil-'beach concessions' - pero' xorta wahda post mill-isbah. Il-mama' ridna nwassluha sa hdejn il-bhar. Zgur wahda mill-isbah espejenzi ghaliha wkoll. Dan ir-ritratt hadnih ftit metri boghod mill-ilma bahar.

Xena mill-aktar kommoventi

Ix-xena tal-KonKatidral ta' San Gwann il-bierah filghaxija tibqa' wahda mill-aktar kommoventi. Hawnhekk il-Maestro Riccardo Muti li mieghu fthemt sabiex huwa jkun il-President Onorarju ta' l-Akkademja Mediterranja tal-Muzika gewwa Malta, mexxa li 'Stabat Mater' ta' Pergolesi u 'Salve Regina' ta' Porpora gewwa dan il-KonKatidral. Spikkaw is-soprano Barbara Frittoli u l-mezzo soprano Monica Bacelli, apparti mill-Orkestra Giovanili Luigi Cherubini. Wara l-kuncert, iltqajna lkoll il-Ministeru. Mal-Maestro Muti bdejna diskusjoni fuq progetti ohra ambizzjuzi, inkluz li jtella' muzika ta' kompozituri Maltin barra minn Malta u li niehdu inizjattivi ohra muzikali ta' l-oghla kalibru. Il-bierah madwar 1,000 peruna attendew il-Konkatidral. Ghalija jibqa' wiehed mill-aktar mumenti kommoventi ta' hajti. Grazzi lil kull hadem bis-shih anki minn wara l-kwinti biex kellna dan is-success.

Laqgha ma' Muti

Il-bierah filghaxija tlaqt minn Comino ghal madwar sitt sieghat. Meta wasalt Malta, ghaddejt sad-dar, umbaghad kelli laqgha mal-Maestro Riccardo Muti. Huwa wasal Malta l-bierah stess u mil-lum se jibda seminar internazzjonali f'Malta rigward l-opra Taljana. Ghal dan is-seminar qed jattendu studenti minn diversi pajjizi fid-dinja apparti mill-membri kollha ta' l-Orkestra Nazzjonali ta' Malta. Umbaghad il-Hadd li gej, Muti se jtella l-opra 'Don Pasquale' f'Dar il-Mediterran, u l-Erbgha ta' wara fil-Konkatidral ta' San Gwann, il-Belt, se jtella is-'Salve Regina' ta' Porpora u jaghlaq bl-'iStabat Mater' ta' Pergolesi. Dan kollu biex nibdew it-triq halli f'Malta jkollna Akkademja tal-Mediterran tal-Muzika taht l-istess presidenza ta' Muti. Dan jaghmlilna unur kbir u jiftah berah il-bibien ta' pajjizna fil-qasam muzikali. Gazetta Taljna dan l-ahhar ikkumentat: Nofs id-dinja tridu (lil Muti) u hu ghazel lil Malta.

Break f' Comino

It-tradizzjoni hi - l-ghada tal-festa tmur ghax-xalata. Dak li ilni naghmel dawn l-ahhar snin, hu li l-ghada tal-festa ta' San Giljan nqatta' erbat ijiem Comino. Hekk ghamilt illum ukoll. Waqt li qieghed hawn, bi hsiebni naqra l-ktieb 'The Street Lawyer' ta' John Grisham - ghax trid toghma daqsxejn differenti mis-suggetti tas-soltu waqt erbat ijiem ta' mistrieh! Izda xi drawwiet ohra tas-soltu jibqghu hemm ukoll - hekk kuljum niccekkja l-e-mail - anzi niccekkja diversi drabi kuljum, nircievi almenu telefonati urgenti, u nzomm kuntatt ma' l-ufficju. Ghada filghaxija se nirritorna Malta ghal ftit sieghat biex niltaqa' mal-Maestro Muti li jibda l-hidma tieghu f'pajjizna sabiex inwaqqfu l-Akkademja tal-Muzika tal-Mediterran! Imma li tvarja imqar bi ftit, xorta jservi ta' gid!

Il-marc ta' San Giljan

Fid-Distretti tieghi nhobb insgwi l-festi b'mod dirett. Wiehed mill-aktar marci brijuzzi bla dubu huwa dak ta' San Giljan. Ghalhekk bhal ma ilni naghmel minn mindu kont tifel zghir, il-bierah filghodu attendejt dal-marc li jilhaq l-aqwa tieghu meta jasal fejn il-Kazin tal-Banda. Nemmen li dan ir-ritratt li hadt il-bierah jaghti idea zghira mhux biss tal-briju li jkun hemm imma anki tas-sbuhija ta' San Giljan bhala post turistiku. Filghaxija umbaghad mort sal-festa li naturalment tkun aktar solenni!

Wara l-kuncert ta' Baglioni, Cocciante u Morandi

Sens ta' sodisfazzjon kbir. Wara l-kuncert tal-bierah filghaxija, organizzajna ikla bejn l-organizzaturi u l-partecipanti principali. Fir-ritratt nidher mal-kollega Tonio Borg, Gianni Morandi, Riccardo Cocciante u Ira Losco. Kienu prezenti ukoll Claudio Baglioni, u l-kantanti l-ohra Maltin, Ivan Filetti u Ivan Grech (Winter Moods). Maghna ukoll il-prezentaturi Fabrizio Frizzi u Louise Tedesco. Flimkien ma' NnG Promotions, ma stajnix ma nkunux kuntenti hafna. L-udjenza li attendiet mhux biss kienet kbira - madwar 20,000 imma l-aktar importanti: kulhadd ippartecipa u ha gost. Irridu nkomplu naghmlu aktar minn dan kollu. Malta issa qieghdha tassew fuq il-mappa ta' l-akbar avvenimenti. Grazzi mill-qalb lil kulhadd, izda grazzi specjali lit-talent Malti. Ergajtu ghamiltuna kburin tassew.

Kuncert minn Baglioni, Cocciante u Morandi

Illum wara nofsinhar qattajt ftit tal-hin Dar il-Mediterran. Mieghi kien hemm ukoll il-Vici-Prim Ministru Tonio Borg u martu Adele. Hemmhekk kienu qed isiru preparamenti inizjali ghall-kuncert li se jkollna nhar is-Sibt li gej bil-partecipazzjoni tal-kantanti popolari Taljani Claudio Baglioni, Riccardo Cocciante, u Gianni Morandi. Se jkun hemm ukoll bhala talent Malti: Ivan Filetti, Winter Moods u Ira Losco. Dan il-kuncert li qed jitella bl-ghajnuna tal-Gvern Malti u dak Taljan bhala messagg ta' solidarjeta' fuq l-immigrazzjoni irregolari. Malta ma tistax tagixxi wahedha! Kienet esperjenza mill-isbah nerga' niltaqa' ma' Claudio Baglioni li mhux huwa kantant mill-aqwa, imma ghandu wkoll karattru mill-isbah u jhoss li ghandu missjoni x'iservi bil-muzika tieghu u bil-kuncerti li jorganizza. Ta' l-ahhar: il-kuncert tas-Sibt li gej jibda fit-8.30 p.m., jinzamm fil-Valletta Waterfront, u d-dhul huwa b'xejn ghal kulhadd.

Coronation Street

Bhalissa fl-Ingilterra qed jidhru l-episodji ta' 'Coronation Street' li ingibdu gewwa Ghawdex fuq inizjattiva tal-M.T.A. Fir-ritratt nidher flimkien mad-Direttur ta' din is-sensiela meta mort insegwi ftit mill-iffilmjar gewwa Ghawdex. Li hemm interessanti f'dawn l-episodji huwa li mhux biss jidhru Malta u Ghawdex imma l-istess storja / 'script' ta' 'Coronation Street' jirreferu ghall-karattri ewlenin li qeghdin fuq vakanza f'pajjizna. Din is-sensiela fl-Ingilterra jarawha madwar 12-il miljun persuni. Qed ikun hemm hafna Inglizi li qed jibbukkjaw vakanza f'pajjizna meta jaraw dawn l-episodji u laqatni wkoll il-fatt li kien hemm min anki wasal biex xtara propjeta' f'Malta wara li ra 'Coronation Street'.

Zjara f'diversi lukandi

Dak l-ghagin jidher tassew tajjeb! Waqt zjara f'diversi lukandi li ghamilt illum, ridt nghid GRAZZI specjali lill-haddiema kollha li jahdmu fil-qasam tat-turizmu. Il-fatt li din hi l-ahjar sena fl-ahhar sitt snin u li l-lukandi kollha mimlija daqs bajda, ifisser aktar xoghol ghall-haddiema f'dan is-settur. Meta staqsejt lil dan il-kok, kemm iservi nies b'dak l-ammont ta' ghagin li kien qed ihawwar, qalli madwar 500! Zort lukandi f'Malta, u anki f'Ghawdex. Meta kont ic-Cirkewwa biex naqsam ghal Ghawdex kien hemm zewg studenti qed iqassmu r-'Red Bull' - missni wiehed ukoll. Meta tqis li ghamilt aktar minn seba' sieghat inzur lukandi differenti biex insegwi direttament is-sucess li qed ikollna fit-turizmu, nahseb kelli bzonn dak id-'drink'! Grazzi u prosit mill-gdid lil kull min jahdem fit-turizmu. Issa nzommu saqajna ma' l-art u nahdmu ghax-xitwa.

'Scuttling' tal-Patrol Boat P29

It-turizmu jiddependi minn hafna fatturi. Importanti li jkollna l-attrazzjonijiet mehtiega. Ighiduli li settur li qed jikber hafna huwa t-turizmu marbut ma' l-isports, b'mod partikolari mad-diving. Illum il-Minsteru ghat-Turizmu u Kultura flimkien ma' l-Awtorita' tat-Turizmu hadu hsieb flimkien li naghmlu 'scuttling' tal-Patrol Boat tal-Forzi Armati: il-P29 barra ic-Cirkewwa. Kien ta' sodisfazzjon kbir nara kif id-'divers' (l-ghaddasa) diga qed iqisu dan il-pass bhala wiehed li ghandu jghin lit-turizmu.

Ftit hin mal-mama'

Il-bierah qattajt hafna mill-gurnata ghand Ingrid, habiba tal-familja, flimkien mal-mama' u ma' hija John. Ftit sieghat ghal darba mistrieh nizluli ghasel. Il-mama' fis-17 ta' Lulju ghalqet 94 sena u l-bierah stajt nqatta' ftit tal-hin maghha. Hadna gost hafna - l-ikel bhall-kumpanija kien mill-aqwa. Kollox mexa sew u l-aktar importanti, jidher li l-mama' tasew hadet gost hi wkoll. Filghaxija kelli impenji ohra, inkluz li mort sas-sit tat-Teatru Rjal biex insegwi 'Etnikafe'' li din is-sena inzamm bhala parti mit-Arts' Festival. Serata divertenti li ghalqet bid-daqqa tal-banda - fis-sens tajjeb, imma l-aktar li jibqghu joghgbuni kienu s-serati li Etnika kienu jtellghu fil-bidu taghhhom.

Tal-Genn!

Ilni ma nqieghed xi blog gdida, imma l-lejla ma nistax norqod qabel ma nghidilkom kemm se nibqa' niftakar ghal dejjem l-avveniment: Isle of MTV - Malta Special. Ma tliftx mument wiehed - ibda mit-talent Malti: Ira Losco, Winter Moods u d-deejays ta' G7 - ghamluna tassew kburin. Umbaghad kellna tlieta mill-aktar artisti popolari bhalissa madwar id-dinja: Enrique Iglesias, Maroon 5, u Akon. Tawna spettaklu tal-genn. Malta ghogbithom u jixtiequ jergghu jigu. Tridu tisimghu mhux biss x'qalu fuq il-palk imma anki wara. Is-serata kollha tatni sodisfazzjon enormi - grazzi lil kull min ta sehmu. Grazzi lill-poplu kollu, specjalment liz-zghazagh, li gew tassew bi hgarhom. Fuq il-Fosos kien hemm madwar 40,000 persuna. Tatuni kuragg kbir. Naghmlu aktar attivitajiet bhal tal-lejla! L-ghada kelli laqgha ma' l-oghla ufficjali tal-MTV. Malta ghogbithom tassew - diga bdejna niddiskutu attivitajiet ohra flimkien ghall-futur. Dejjem hekk emmit - trid tibqa' thares 'il quddiem mhux biss lejn dak li jkun gara, anki b'success liema bhalu.

Serata mimlija

Il-bierah filghaxija bdejt billi nattendi riceviment fir-residenza ta' l-Ambaxxatrici Amerikana, fl-okkazjoni ta' Independence Day. Iltqajt ma' skoss nies li naf - u kellna x'nghidu lil xulxin!
Wara mort H'Attard - hames minuti boghod - fejn kienet qed tkun organizzata bhal 'Notte Bianca' lokali - impressjonanti kemm gew nies, x'talent kien hemm, u kemm hemm storja x'tiskopri fuq din il-belt. Charlo' Bonnici dawwarni u verament hadt pjacir. Prosit lil kull min hadem.
Fl-ahharnett mort sa' l-area tal-Fra Ben, il-Qawra. Il-lejla kien hemm 'Heart of Gold' b'risq ir-Razzett tal-Hbiberija. Kienet l-ewwel serata minn tlieta bit-tema generali 'Climate Change Malta'. Illejla ikun hemm kuncert iehor bil-partecipazzjoni ta' Marco Masini. Nixtieq nattendi imma l-lejla hemm ukoll il-kuncert ta' Joseph Calleja l-Imdina. Xi kultant difficli tlahhaq ma' kollox!
Tal-lejl li ghadda kienet serata ohra mimlija sew!
Fl-ahhar qabel mort id-dar ghaddejt sal-McDonald's, San Giljan, ghax kelli aptit take-away, u ilni ma niekol 'Quarter Pounder' minn hemm! Nizilli ghasel!

Jirritorna Cruise Liner f'Malta

Flimkien mal-habib tieghi Censu Galea, illum kont fuq il-Cruise Liner TSS Sky Wonder - ghal biss siegha (!) - imma kienet okkazjoni importanti ghax fiha kont qed ninawgura ir-ritorn ta' dan il-cruise liner biex jieqaf bil-cruises tieghu minn Malta u anki biex itella' nies minn hawnhekk. Ghal xi tliet snin, dan il-cruise liner li huwa l-aqwa vapur tal-Pullmantur Cruises kien waqaf jopera minn Malta u kien ghazel li jahdem minn Tunez minflok. Issa irritorna Malta - din is-sena biss se jgib madwar 25,000 vizitatur - u s-sena d-diehla? Pullmantur Cruises jirritornaw b'vapur akbar u jibdew is-servizz seba' gimghat qabel. Sodisfatt li dan huwa qasam importanti tat-turizmu li qed jikber hafna.

Bajja ta' San Gorg - se tkun akbar

Kien ta' sodisfazzjon kbir ghalija meta kont inawgurajt il-Bajja ta' San Gorg. Diga gawdewha eluf ta' nies is-sajf li ghadda u anki dak ta' qabel. Dan is-success jaghtini kuragg kbir. Issa iddecidejt li wasal iz-zmien li din il-Bajja nkabbruha aktar. Fil-hmistax li gejjin, ikollna naghlquha ghal xi jumejn - izda bi skop tajjeb: se nqieghdu aktar ramel u nkabbruha b'madwar hames metri. Ir-ramel jasal il-gimgha d-diehla. Spiza ohra ta' Lm 80,000, imma meta se naraw hafna aktar nies juzaw dil-bajja, se naqblu li din spiza li hi tassew 'worth it'.

Talent Malti

Nhar il-Gimgha filghaxija attendejt il-kuncert tat-tenur maghruf mad-dinja kollha, Jose' Carreras. Il-kuncert sar fil-pjazza Main Guard quddiem il-Palazz, il-Belt. Biss l-akbar sodisfazzjon li hassejt kien kemm hrigna ta' nies bhala Maltin. Kemm is-soprano Lydia Caruana kif ukoll l-Orkestra Nazzjonali taghna mhux biss harguna ta' nies imma wrew kemm ghandna ghalfejn inkunu kburin bit-talent Malti. Prosit minn qalbi.

Arti kontemporanja

Il-lejla kelli nattendi ghal zewg attivitajiet differenti li t-tnejn juru kemm l-arti kontemporanja f'pajjizna hija hajja u ghaddejja minn zmien interessanti. Ghal habta tas-7 ta' filghaxija inawgurajt wirja ta' 152 ritratt, maqsuma indaqs bejn ritratti monochrome u ritratti tal-kulur fit-42 Wirja ta' l-Arti Fotografika organizzata mis-Socjeta' Maltija tal-Fotografija. Il-wirja qed titella' fl-Istitut Kulturali Taljan fil-Main Guard il-Belt. Hemm ritratti tassew mill-aqwa. Aktar tard, fit-8.45 p.m. inawgurajt il-Johanne Casabene Dance Conservatoire - akkademja tad-danza f'Tigne' li toffri tahrig fiz-zfin fuq bazi professjonali. Nammira hafna t-talent kbir zaghzugh li ghandna f'Malta u ma tistax ma tiehux pjacir tara kemm hawn aktar persuni qed jiehdu dan kollu bl-akbar serjeta'.

Zjara tal-President ta' l-Ungerija

Qattajt l-ahhar tlitt ijiem bhala 'Accompanying Minister' mal-President ta' l-Ungerija. Kienet esperjenza tajba. L-aktar haga li laqtitni kemm ghandna minn xhix inkunu kburin b'pajjizna. Iz-zjarat tal-President ta' l-Ungerija inkludew l-Isptar il-gdid Mater Dei, il-Barrakkta t'Isfel u ta' Fuq fil-Belt, id-Domus Romana, il-Belt ta' l-Imdina bi zjara f'Palazzo Falson. Kemm hu kif ukoll id-delegazzjoni tieghu kellhom l-akbar kliem ta' tifhir ghal pajjizna. Nahseb li jkun tajjeb kieku napprezzaw ahna lkoll dak kollu li ghandu x'joffri pajjizna.

Konferenza Anwali - MTA

Esperjenza sabiha. Il-bierah filghodu attendejt il-Konferenza Anwali tal-MTA. Il-presentazzjonijiet kollha intghogbu hafna. Stil: modern u professjonali. Fuq kollox kellna presentazzjoni ta' Media Consulta - kumpanija mill-aqwa fl-Ewropa fuq 'marketing' li se tinghata 21 miljun Euro ghat-tliet snin li gejjin biex taghti l-aqwa pubblicita' favur Malta. Meta tkellimt fil-konferenza ghedt li hemm bzonn aktar fondi favur it-turizmu u li rridu nigbdu habel wiehed. Nemmen li qed naslu - ic-cifri ghall-ewwel tliet xhur tajbin - gew 7% izjed turisti...... u nefqu 10% izjed.

Dun Gorg

Kulhadd ferhan li l-Hadd li gej ikollna l-ewwel Qaddis Malti - Dun Gorg. Illum habbart li se ntellghu Oratorju dedikat lil dan il-Qaddis gdid - kitba ta' Oliver Friggieri, u muzika ta' Charles Camilleri. Se jiehdu sehem l-Orkestra u l-Kor Collegium Musicum imexxija minn Dione Buhagiar. Wara li tajt din l-ahbar, ghamilt intervista fuq l-istess Oratorju fil-Konkatidral ta' San Gwann - fejn ser issir din l-attivita' nhar il-Gimgha 15 u l-Hadd 17 ta' Gunju. Tithajru? Biljetti b'xejn mill-Ministeru ghat-Turizmu u Kultura.

Aktar rotot tar-Ryanair

Il-bierah ftahna l-offerti fuq rottot godda li habbarna. Konna habbarna erba' rottot - u r-Ryanair accetta li jibda titjiriet fuq ir-rottot kollha. Minn Settembru / Ottubru ikolla titjiriet ukoll 'low cost' minn Bremen, Stockholm, Bari u Girona (Spanja). Sodisfatt hafna - l-iskemi tal-Gvern favur it-turizmu qed jahdmu.

Kuncert - transmess dirett fl-Amerika

Il-bierah filghaxija ergajt kont il-Manoel ghal kuncert b'differenza kbira. Il-kuncert li kien qed isir Malta kien trasmess dirett f'Washington, D.C. , l-Amerika fejn kien segwit minn mijiet ta' persuni li ngabru apposta ghal din l-okkazjoni. Il-kuncert kien jismu 'Opera Across the Atlantic'. Itella' minn the Richard Tucker Music Foundation u fih hadu sehem uhud mill-aqwa kantanti ta' l-opra mit-Teatru Metropolitan ta' l-Istati Uniti. Kantaw siltiet minn opri u muzika ohra klassika. Il-gbir kollu mid-dhul tal-biljetti mar ghall-Community Chest Fund. Attenda wkoll il-President, Eddie Fenech Adami. Hadt pjacir hafna, specjalment ghax kienet l-Orkestra taghna, l-Orkestra Nazzjonali, li akkumpanjat il-kantanti li gew minn barra. Waqt l-intermission hafna staqsewi jekk din l-Orkestra gietx minn barra bhall-kantanti! Le, stajt inwiegeb bi tbissima b'sodisfazzjon, dik l-Orkestra taghna!

Kuncert il-Manoel

Il-bierah filghaxija kont it-Teatru Manel. Kien hemm kuncert moghti mill-Vienna Classical Players. Pjacevoli hafna - muzika tipikament ta' Vienna - muzika ta' Strauss u Lehar. Izda daqqew ukoll muzika tal-Maestro Ghawdxi, Joe Vella. Wara iltaqjt ma' diversi mill-muzicisti f'St James Cavalier. Il-kuncert sar fl-okkazjoni ta' eghluq il-15-il sena mit-twaqqif ta' Malta Internatinal Airport, u eghluq il-5 snin minn meta sar kumpanija privata. Serata divertenti - tkompli turi kemm hawn interess fl-attivita' kulturali f'pajjizna.

Il-Weghda

Il-bierah filghaxija mort nara l-opra ta' Charles Camilleri, 'Il-Weghda' - tiehu pjacir tara bicca xoghol bil-Malti u fejn kull min ha sehem kien Malti. Camilleri u Friggieri (li kiteb il-kliem) tawna opra Maltija mill-aqwa. Prosit minn qalbi lil kull min ha sehem. Dan kellu jkun speci ta' 'birthday party' ghal Charles Camilleri li ghalaq 75 sena Settembru li ghadda, izda ma setax jigi ghax qieghed l-isptar. Nawguralu fejqan malajr.

Il-blog tieghi...

Xi hmistax ilu bdejt niskopri d-dinja tal-blogs...bqajt skantant kemm hawn Maltin li ghandhom il-blog taghhom u li jitrattawh bhat-tarbija li jiehdu hsieb ta' sikwit.

Bejni u bejn ruhi ghidt, nixtieq nipprova din l-esperjenza jien ukoll. U ghalhekk hloqt dan il-blog li nispera li nzomm aggornat kemm jista' jkun.

Dan l-ewwel messagg li qed inqieghed fuq dan il-blog li ghadni kemm hloqt. Irrid minn hin ghal hin nghid minn xhix inkun ghaddej. Nixtieq ukoll li nircievi u naqra l-kummenti taghkom...fuq kollox.

Nippruvaw...Francis :)